Lyrics Rohani Karo : Telu Pendahin Gereja

Pasu-pasu...tegu-teguNdu...
Kami kerina ngawan perpulungenNdu
Ibas ndahiken...dahin gereja...
GelarNdu saja o Tuhan, si Ermulia

Mbelang man peranin, mbue denga si man dahin
Melala perbeben si man adapen
Tapi adi erdalan kami ras Kam o Tuhan
Kami tetap megegeh ngelakokenca

Temani ras sampati dage kami o Tuhan
Ndahiken pendahin ni perpulungen
Ersaksi dingen ersada ras nehken kekelengen
Sentudu ras peraten si padankenNdu
O...Tuhanku, o Yesusku...

Lion Air in the sky, 14 Maret 2010
Franta Ginting

Lyrics Rohani Karo : Yahwe Bapa Siperkuah

Kuukuri bage perbahanenku
Rolih-olih aku erbahan dosa
Bage pe aku ialokenNdu o Tuhanku
Enda jimpuh aku aku i adepenNdu
Kuakuken k'rina salah lepakku
Keleng ateNdu ngenca ngasup nasapken
Dosa-dosangku

La bias bage iluh si mambur
Lako nasapken k'rina ukur sigulut
Perkuah ateNdu ngenca sikuarapken
Kam Dibatangku si dem bas kekelengen
O...Yahwe...

La bias kerina erta doni
Lako mereken dame ras kemalemen
Lalit ertina lanai bo lit gunana
Adina la kin bekas pasu-pasuNdu
O Tuhanku, o Yahwe, Bapa si Perkuah

AlemiNdu dage dosa-dosangku
Pasu-pasu dage kegeluhenku
Maka dame bage pe kemalemen
Si kualoken
Maka dame bage pe kemalemen
Si kugejapken

Karawaci, 26 Pebruari 2010
Franta Ginting
t.64/n.8

Lyrics Rohani Karo : Ula Aru Ateta

Kita ...nggeluh bas doni enda
Tuhu...mbue kal perbebenta
Lanai...tempa siat pusuhta
Piah turah aru ate, piah turah ate ceda
Labo kap lit malemna
Piah turah aru ate, piah turah ate ceda
Labo kap lit duruna

Labo tergegehi, labo terolangi
Kai pe si terjadi bas geluhta
Ngendes ras ernalem man Yesus Tuhanta
Ia penampat si tuhu-tuhu

Dage...ula aru ateta
Kerna...kegeluhen bas doni
Lit nge...pagi bage malemna
Kerina aru ate, kerina ate ceda
Yesus singalemisa
Kerina aru ate, kerina ate ceda
Yesus singalemisa...a...a...a...a
O turang - senina......

Karawaci, 05 Maret 2010
Franta Ginting

Lyrics Rohani Karo : Yesus Simada Geluhta

Lanai bo man ukuren, lanai bo man tangkelen
Kerna si enggo lewat....
Erban ndele ateta, erban serbut ukurta
Tapi lanaibo lit ertina....

Adina sigejapken, keleng ate Tuhanta
Labo pernah erleka....
Erbansa kita ngasup ndalani kegeluhen
Seh pe asa gundari....

Sijingkangken dage nahenta ndalani tahun enda
Pengarapen gelah baci, terulin bas kiniteken....
O Yesus...o Tuhanku...
Kegeluhenku, Kam ngenca simetehsa...
O Yesus....o Rajangku...
Kerna geluhku, Kam ngenca Simadasa

Tangerang, 11 Januari 2008
Franta Ginting

Lyrics Yesus Kap Singolangisa

Keleng ateNdu e Tuhan, la kap pernah erleka
Seh pe asa gundari aku bas kep-kepenNdu
Gia megati kusimbak kal KataNdu o Tuhanku
Keleng ateNdu bage la pernah mobah nandangi aku

Mbue kal siterjadi o Tuhan, ibas pertibi enda
Labo kap terukuri, labo kap tertangkeli
Keleng ateNdu ngenca baci nampati o Tuhanku
Makana pulah aku bas mara nari Kam singolangi

Tuhan, ula kal Kam ertak-tak kerna salah lepakku
Tuhan, jera robah kal aku alemi min dosangku

Sampati aku o Tuhan, la lit gegehku
Kam ngenca sikuarapken ibas geluhku
Kesah Sibadia dage nemani aku
Makana baci aku ngasup ndalanken sura-suraNdu

Tangerang, 07 Januari 2005
Franta Ginting

Lyrics Rohani Karo : Begiken Pingko-pingkoku

O...Tuhan man baNdu aku erlebuh
Erjimpuh dingen ertoto iadep-adepenNdu
Kam ngenca inganku ergani-gani
Man baNdu aku ernalem segedang geluhku

Pesusurlah Tuhan KesahNdu Sibadia
Nemani geluhku ibas doni enda
Dudurkenlah Tuhan tanNdu tan si melias
Gelah aku megegeh ngelawan kuasa dosa

Ajari dage aku tegu-tegulah aku
Ibas kegeluhenku....
Makana ula celus makana ula papak
Ku Kam ngenca tujunku

Aloken, begiken pingko-pingkoku
Mesikel aku dameNdu
Reh Kam ku bas pusuhku

Tangerang, 18 Juli 1999
Franta Ginting
t.68/n.6

Lyrics Rohani Karo : Mesikel Aku DameNdu

Man baNdu Tuhan, aku erlebuh ras erpengendes
Erjimpuh dingen ertoto iadepenNdu
Begiken dage pingko-pingko si kuendesken
Aloken dage Bapa, isi pusuhku

Mesikel 'ku dameNdu, reh Kam ku bas pusuhku
Bagepe ras temanku, ersada arih kami
Sepengodak ras sepengole muji gelarNdu

Pesusurlah KesahNdu, bagi sipadankenNdu
Nemani geluh kami tep-tep wari
La lit geheh bas kami la lit pemeteh kami
Emaka 'lah KesahNdu min ras kami

Rehlah Kam Bapa, rehlah Kam Tuhan
Sebab kami i jenda enggo sikap
Ndahi dahiNdu

Tangerang, September 1998
Franta Ginting

Lyrics Rohani Karo : Tubuh Juruselamat

Bas berngi si mesuni i Kuta Betlehem
Enggo tubuh Yesus Jurus'lamat
Bintang Timur ersinalsal nerangi doni
Ermulia terpujilah gelarNdu saja

Kupuji kusembah gelarNdu Sibadia
Kuendesken geluhku bas tanNdu
Aloken dagena aku o Tuhanku..u..u
Gelah aku pe terkelin bas keriahen

Kam ngenca Tuhan pengarapenku
Man baNdu ngenca pengendesenku

Adi ernalem man doni enda
Dem kebiaren ras aru ate
La lit dat dame ras kemalemen
Situhu-tuhuna

Tangerang, 09 Agustus 1998
Franta Ginting
love song/t.69/n.4

Lyrics Rohani Karo : Nggeluh Ibas Peraten Tuhan

Wari enda kualoken Yesus ibas pusuhku
Kuban IA si nemani geluhku
IsasapkenNa itebusiNa kerina dosa-dosangku
Kutadingken geluh si male
Bengket aku ku bas geluh si mbaru

Kam ngenca Tuhan
Inganku cio-cio dingen cilinggem
Inganku ngadu-ngadu, ergani-gani
Suari berngi

Ban dage Tuhan
Aku jadi ngawanNdu sikerajangNdu
Perlias ras perkuah ateNdu ngenca
Mahanca aku jadi terkelin

Adi gundari aku nggeluh
Ibas peraten Tuhan
La 'ku mbiar kai pe terjadi
Adi Yesus natang kegeluhenku
La 'ku mbiar kai pe terjadi
Adi Yesus natang kegeluhenku

Tangerang, 25 Desember 1998
Franta Ginting
love song /t.69/n.11

Lyrics Rohani Karo : Penebus Dosa

Bapa Si ni Surga Simada Kuasa
Nembah mungkuk kami iadepenNdu
DameNdu o Bapa, kelengNdu o TUHAN
Enggo nusur tuhu ku doni enda

Yesus Kristus Anak KekelengenNdu
Reh ku doni enda
Nebusi k'rina kalak si perdosa
Singikutken IA

Emaka mari kita k'rina
Bapa, nande, turang, senina
Sipehaga dage Rajanta
Rende ersurak Haleluya

Begikenlah dage pedahNa
Ikutkenlah dage ajarNa
Erdandanken lias ateNa
K'rina si tek jadi terkelin

Tangerang, 12 Desember 1989
Franta Ginting
love song/t.69/n.

Lyrics Rohani Karo : Lias Tuhan Tetap Nemani

Enggo tande bage tahunnna
Enggo kap kubentasi
Erbage-bage kunanami
Kiniseran ras keriahen
Ibas geluhku

Reff.
Lias Tuhan tetap nemani
Ibas kerina paksa
Emaka labo aku mbiar
Emaka tetap aku paguh
Bas kiniteken

Adi kuukuri kerina perbahanenku
Melala la sentudu ras peratenNdu
Bahan dage aku reh ngasupna tahun enda
Ndalanken sura-suraNdu ibas geluhku

Tuhan, Tuhan....
Kam ngenca penalemenku
Tuhan, Tuhan....
Kam ngenca pengarapenku

Kam ngenca Yesus Pengarapenku

Karawaci, 25 Nopember 2002
Franta Ginting
N:8 / T:71

Lyrics Rohani Karo : Surak Haleluya

Sendah kita jumpa, wari Sibadia
Wari peringeten, tubuh Tuhanta
Meriah ukurta, pulung kita k'rina
Muji nembah ras ngaloken Yesus Tuhanta

Puji haleluya, puji haleluya
Yesus me sinebusi kita
Puji haleluya, puji haleluya
Yesus jurus'lamat manusia

Surak, surak, surak, rende muji g'larNa
Raja si Mulia, Yesus Tuhanta
Mari dage k'rina, turang ras senina
Puji sembah ras ngataken bujur man BaNa.
(Sipeb'linken gelarNa)

Karawaci, 04 Desember 2002
Franta Ginting

Lyrics Lagu Rohani : 'Ku Bersyukur

'Ku bersyukur kepadaMu ya Tuhanku
Atas kasih, karunia, dan setiaMu
Hanya Engkau yang kutinggikan, dan yang aku Agungkan
Aku bernyanyi, aku bermasmur, bangkitlah hai jiwaku

Sungguh heran dan ajaib perbuatanMu
Kau hapuskan, Kau sucikan semua dosaku
Kau puaskan, jiwa yang haus dari dahaga kasih
Engkau kenyangkan, jiwa yang lapar karena kemurahanMu

'Ku bersyukur dan t'rima kasih, hanya kepadaMu ya Tuhan
Atas kasih dan setiaMu yang Engkau curahkan
'Ku bernyanyi, aku bermasmur berseru memanggil namaMu
Hanya Engkau yang aku sembah didalam hidupku

Karawaci, 25 Januari 2004
Franta Ginting

Lyrics Rohani Karo : Kesah SiBadia Nusur

Kesah Sibadia nusur nemani manusia
Maba dame, maba kemalemen
Simereken gegeh bangku, sipetetap ukurku
Kesah Tuhan, bengketi pusuhku

Bujur kukataken bandu, perban lias ateNdu
Kam nemani geluhku bas doni enda
Labo lit gegeh bas aku, labo lit kengasupen
KesahNdu ngenca ngasup sinampati

Kam ngenca kupuji, Kam ngenca kusembah
Kam ngenca inganku ngadu-ngadu
Bujur o YAHWE, bujur o Yesus, bujur o Kesah Sibadia

Karawaci, 07 Mei 2005
Franta Ginting

Lyrics Rohani Pengantin : Bujur Kusehken BaNdu

Anak :
Bujur kusehken baNdu Yesus Tuhanku
Kam si mereken kekelengen man bangku
Enggo kualoken arah bapa-nande
Keleng ateNdu la keri-keri seh rasa lalap

Ortu :
Bujur kusehken baNdu, Yesus Tuhanku
Kam kap simereken tuah ku tengah jabu
Kam sipengasupsa aku engkelengi
Seh gundari enggo kap mbelin anak sintua

Anak :
Kutadingken bapa ras nande ras agi siperkeleng
Mejuah-juah kam kutadingken ula sibangger-bangger

Ortu :
Tetapkenlah ukurndu ndalani kegeluhen
Sangap, ertuah, jumpa rejeki ula sibangger-bangger

Duet :
Tuhanta Yesus kap jine simasu-masu geluhta
Adina kita ernalem baNa
Segedang-gedang geluhta, tetap sipuji gelarNa
Keleng ateNa la kap erleka

Karawaci, 02 Apri 2012
Franta Ginting

Lyrics Rohani Pengantin : Tuhan Yang Mempersatukan

Lk : Ketika awal 'ku mengenalmu
       Kusadari aku telah bertemu
       Tulang rusuk-ku yang hilang satu
       Tuhan t'lah tunjukkan padaku

Pr : Akupun kini telah menyadari
       Memang engkau orang yang aku nanti
       Bersamamu kutempuh hidup ini
       S'gala suka duka dunia ini

LP : 'Ku berterima kasih kepadaMu Yesus
        Atas segala kemurahanMu
        Karena Kau telah memberi
        Pasangan hidupku di dunia ini

LP : 'Ku s'lalu berdoa memohon padaMu
        Tuntunlah kehidupan baru ini
        Hanyalah kepadaMu Yesus ya Tuhanku
        Pengharapanku

Karawaci, 11 Maret 2012
Franta Ginting
       

Lyrics Rohani Karo : Yesus Singembari Langkahku

Keleng ateNdu Tuhan, pemerenNdu Yesusku
Enggo kap kualoken ibas kegeluhenku
Enggo iasamkenNdu, dagingNdu ras KesahNdu
Guna nebusi aku, maka aku terkelin

Kusembah ras kupuji, gelarNdu si Badia
Kam o Yesus Tuhanku, si ngalemi dosangku

Dame ibas pusuhku, dame ibas geluhku
Perban lias ateNdu, la ersibar man bangku
Kam o Yesus Rajangku, lau kegeluhenku
Singembari langkahku ku bas dalan siterang.

Tangerang, 30 April 2005
Franta Ginting

Lyrics Rohani Karo : Yesus Si Mehulina

Ate ngena bas donin enda, mbue kal tuhu erbagena
Baci sipilih-pilih, gelah tersehi sura-sura

Tapi ibas erkiniteken, ula mbue ateta ngena
Sada ngenca baci sipilih, Yesus ngenca simehulina

O..Mamre, Moria, Permata ras Ka-Kr
Marilah, sisembah, sipuji Yesus Tuhanta

Tuhan Yesus lah min si ban man penggurunta
Ibas kerina dampar kegeluhenta
Ku IA saja ngenca pengendesenta
Gelahna dame rusur ibas pusuhta

O..Mamre, Mamre, Permata rae Ka-Kr
Marilah, sisembah, sipuji Yesus Tuhanta

Karawaci, 14/01/2010
Franta Ginting

Lyrics Rohani Karo : Kukataken Bujur BaNdu

O YAHWE,  o Tuhanku, kukataken bujur ba~Ndu
Ibas k'rina pemereNdu, ibas kegeluhenku~u~u

Labo perban beluhku, labo perban gegehku ~Tuhan...
Tapi ban lias ateNdu, usekenNdu man bangku ~Tuhan...

YAHWE Kam Dibatangku, ku sembah Kam kupuji
Inganku ngadu-ngadu suari ras berngi
Kuja pe perlawesku, uga pe kecibalku...
Tetap lias ateNdu TUHAN nemani aku

Tangerang, 7 April 2015
Franta Ginting

Lyrics Rohani Karo : Jerusalem Simbaru

La ersibar keleng ateNdu, nandangi manusia
Yesus Kam Penebusku, Yesus Kam Penampatku
Kam me ulu kegeluhenku, Kam me ulu kegeluhenku

KesahNdu pe iasamkenNdu, i das kayu persilang
Guna nebusi aku, ibas dosangku nari
Kam o Yesus Jurus'lamatku, Kam o Yesus Jurus'slamatku

Kubegi soraNdu erlebuh man bangku
Kupuji ras kesembah gelarNdu o Yesus
Nggo isikapkenNdu ingan dame bangku
Jerusalem Simbaru, Surga Rumah Bapa

Kep-keplah aku seh ku wari Maranatha
Tegulah aku seh ku Surga Rumah Bapa

Tangerang, 09 April 2015
Franta Ginting