Lyrics Rohani Karo : Haleluya

Haleluya, terpuji gelar TUHAN
Haleluya, terpuji gelarNdu Yesus

Wari enda warina si badia
Enggo nusur Yesus Penebusta
Mari sembah sipujilah gelarNa
Sebab IA penebus dosanta

Mari surak endeken Haleluya
Alo-alo Raja si Mulia
Perban keleng ateNa kita k'rina
IsehkenNa padanNa man banta

Haleluya, terpuji gelar TUHAN
Haleluya, terpuji gelarNdu Yesus

Begiken KataNa, dalanken pedahNa
Ula kita lupa ertoto ngendes man baNa
Maka sehkenNa si sentudu ras peratenNa

Haleluya, terpuji gelar TUHAN
Haleluya, terpuji gelarNdu Yesus
~~~~~~~~~~~~~~~~~~~~~~

Jakarta, 25 Nopember 2015
( Franta Ginting )

Lyrics Rohani Karo : Sora Pusuh Pendungi Tahun

Tuhan, bage ningku erlebuh
Bas tengah berngi ibas pendungi tahun
Ije ku baba perbebenku
Ngendes man banNdu ngenca pengarapenku

Babanku si mberat ibas geluhku o Tuhan
Jadi menahang adi iadepenNdu
Ngarap kal aku ialokenNdu
Makana malem kal jine ibas pusuhku

Ukur mberat pusuh si getem Tuhan
Jine ngerim-rim aku
Lanai 'ku ngasup, la lit gegehku Tuhan
Adi la Kam nampati
Emaka reh aku man banNdu
Mbaba kerina perbebenku
Amin gia labo metunggung
Aku iadep-adepenNdu

Lang adi gegehku kupenalem, adi pemetehku kupedalan
Lanai bo mbera, lanai bo mbera, aku jumpa ras Kam
Perkuah ateNdu si kupindo, mere perukuren si meciho
Gelahna malem, malem ateku, iteruh perkuahNdu

(Franta Ginting 281107)

Lyrics Lagu : Johanes 3:16 (Keleng Ate Tuhan)

Perban belinna keleng ateNdu man manusia
IberekenNdu AnakNdu Sitonggal nusur ku doni
Lah ola bene si tek man baNdu, dat kegeluhen si rasa lalap
Bagem belinna keleng ateNdu, nandangi aku kalak perdosa

ItebusiNdu, isasapkenNdu dosa-dosangku
TeguNdu aku, isampatiNdu bas la ngasupku
IapuliNdu pusuh si getem tupung aku bas keguluten
Bagem belinna keleng ateNdu, nandangi aku kalak perdosa

Bujur o Yahwe ibas lias ateNdu..
Bujur o Yesus 'bas kerehenNdu...
Bujur o Kesah ibas penemaniNdu...
Man baNdu kuendesken kegeluhenku

( Franta Ginting ) 15/11/15