Kutatap ku deleng-deleng
Ija nari nge reh penampat
Kelbung simbagas nari kulebuh gelarNdu
Kam o Tuhanku reh nampati aku
Aminna erdalan pe aku
Mentasi kelbung simbagas
La aku mbiar jumpa cilaka
Sebab Kam kap ras aku
O Tuhanku....o Yesusku
Gundari dame bas pusuhku
Lanai kap lit kebiarenku
Dingen rumahNdu jadi rumahku
Segedang umur geluhku o Tuhan
Karawaci, 15 Oktober 2007
Franta Ginting
Slow bossa/t.111/n.7
Adi kerna kekelengenNdu
La kap ersibar iusekenNdu nandangi aku
Bagi terangna matawari, nerangi doni tep-tep wari
Bage kepe lias ateNdu nandangi aku o Yahwe
Tapi la kepe aku ngasup
Lako ngertiken dingen nggejapken kekelengenNdu
Kuakap rusur perban gegehku, kuakap rusur perban beluhku
Perban dosa ngerim-rim aku, la aku ngasup o Yahwe
Gundari enggo kuukuri, gundari enggo kutangkeli
Enggo kepeken aku ndauh ibas kam nari
Labo kap perban gegehku, labo kap perban beluhku
Tapi perban keleng ateNdu si la erbar nandangi aku o Yahwe
Begiken min pingko-pingkoku
Nembah ras mungkuk, aku erjimpuh iadepenNdu
Alemi min k'rina salahku, sasapken min k'rina dosangku
Gelah aku pe baci ngasup lako nehkenca kekelengenNdu
Adi kerna kekelengenNdu
La kap eraibar iusekenNdu nandangi aku
Bagi terangna matawari, nerangi doni tep-tep wari
Bage kepe lias ateNdu nandangi aku o Yahwe
Tapi la kepe aku ngasup
Lako ngertiken dingen nggejapken kekelengenNdu
Kuakap rusur perban gegenku, kuakap rusur perban beluhku
Enggo kepeken aku ndauh ibas Kam nari o Yahwe
Gundari enggo kuukuri, gundari enggo kutangkeli
Enggo kepe aku ndauh ibas kam nari
Labo kap perban gegehku, labo kap perban beluhku
Tapi perban keleng ateNdu nandangi aku o Yahwe
Begiken min pingko-pingkoku
Nembah ras mungkuk, aku erjimpuh iadepenNdu
Alemi min k'rina salahku, sasapken min k'rina dosangku
Gelah aku pe baci nehken kekelengenNdu o Yahwe
Karawaci, 20 Oktober 2002
Franta Ginting
t.69/n.5/
O Yahwe o Tuhanku
Kukataken bujur Bandu
Ibas krina pemereNdu
Ibas kegeluhenku..u..u
Labo perban gegehku
Labo perban beluhku ...Tuhan
Tapi ban lias ateNdu
UsekenNdu man bangku ...Tuhan
Yahwe Kam Dibatangku
Kusembah ras kupuji
Inganku ngadu-ngadu
Suari ras berngi
Kujape perdalanku
Ugape kecibalku........
Tetap lias ateNdu Tuhan
Nemani aku
Karawaci, 11 Oktober 2014
Franta Ginting
Kutatap ku deleng-deleng
Ija nari nge reh penampat
Kelbung simbagas nari kulebuh gelarNdu
Kam o Tuhanku reh nampati aku
Aminna erdalan pe aku
Mentasi kelbung simbagas
La aku mbiar jumpa cilaka
Sebab Kam kap ras aku
O Tuhanku....o Yesusku
Gundari dame bas pusuhku
Melias kal Kam kempak aku
Dingen rumahNdu jadi rumahku
Segedang umur geluhku o Tuhan
( Franta Ginting )
Wari-wari si kubentasi o Tuhan
Kugejapken KesahNdu tetap nemani
Piah seh ku ujung tahun aku bas kepkepeNdu
Adi gundari kutimai kereheNdu
Ku ukuri kerina perbahanenku
Tuhu mbue la sentudu perteNdu
Kutadingken kutundalken kerinana si la payo
Gelah banci kita jumpa o Tuhan
Rehlah Kam Tuhan, renlah ku bas pusuhku
Kualo-alo kereheNdu ibas geluhku
Maka sambar pagi tahunna reh baruna perukuren
Kutadingken si la payo kuayaki simehuli
Karawaci, 07 Nopember 2007
Franta Ginting
Adi kutatap o Tuhan, ku datas Uruk Golgota
Je kuidah silangNdu, aku kap simajekenca
La kugejap o Tuhan, tangiskal ibas pusuhku
Ngukuri perbahanenku la makeken kataNdu
Tuhan aloi-aloikal aku
Tuhan alemi min dosangku
Tuhan...jera robah kal aku
Kam ngenca pengarapen
Kam ngenca penalemen
Ibas kegeluhenku
Franta Ginting
