Video & Lagu Lagu Rohani - Reh Kam ku pusuhku

Judul  : Reh Kam kupusuhku
Cipt.    : Pt. Franta Ginting
Vokal  : Suriajani Br. Bangun
Musik : Ramona Purba

Syair :

O Tuhan, gelarNdu usur kulebuh

Erjimpuh dingen ertoto iadep-adepenNdu

Kam ngenca, inganku ergani-gani

Man banNdu aku ernalem segedang geluhku

Pesusurlah Tuhan kesahNdu si Badia

Nemani geluhku ibas doni enda

Durdurkenlah Tuhan, tanNdu tan simelias

Gelah aku megegeh ngelawan kuasa dosa

Ajari dage aku tegu-tegulah aku ibas kegeluhenku

Gelahna ula celus makana ula papak ku Kam ngenca tujunku

Aloken, begiken pingko-pingkoku

Mesikel aku dameNdu reh Kam ku bas pusuhku

( Franta Ginting )

Berita Budaya Karo : Gendang Tarigan ras Anakberuna se Karawaci Tangerang

Ibas wari Rabu, 13 Mei 2015 enggo ilakoken Gendang Mburo Ate Tedeh Tarigan Mergana ras Anakberuna se - Karawaci Tangerang ras sekitarna. Acara ilakoken i Lokasi Pasar Modern Mutiara Kasih si ihadari anggota perpulungen ras undangan ibas perpulungen merga-merga diluar Tarigan. Kenca landek sukut Tarigan mergana iumputi Anakberu Tarigan ( Ginting, Karo-Karo, Sembiring ras Peranginangin ) emaka iadu me perkolong-kolong Samuel Sembiring ras Esahati Br. Ginting.
Acara cukup meriah dingen enterem sireh ras tetap antusias ngikuti acara seh dung jam 24.00 wib.
Salam mejuah-juah, mburo ate tedeh nandangi Taneh Karo Simalem.

Karawaci, Mei 2015
( Franta Ginting )

Video & Lyrics Lagu Karo - Tangisen Deleng Sinabun

TANGISEN DELENG SINABUN

Uga nge ndia turang ningku ngerana
Makana aku ialoindu
Enggo kap keri mesayang kata kubelas
Asa gundari kam nembeh bangku

Adi kuinget k'rina si enggo lewat
Sehkal ulina arih-arihta
Gundari getem mesayang pusuh kubaba
Ngidah ngukuri kai siterjadi

Kutatap ku datas Deleng Sinabun
Nungkun pusuhku ndigan nge makana jore
Ije kuinget arihta si lenga sahun
Kai nge ndia erbansa lalap la tembe

Erjimpuh aku ertoto, ku Dibata tetap kupindo
Perbahan Ia ngenca ngasup sipejoresa
Pusuhku erpengarapen, bas sada masa dat kemalemen
Dibata saja ngenca ngasup simerekensa

Tangerang,   Mei 2015

Franta Ginting

( Song Writer : Franta Ginting /15.05.15 )

Berita Budaya Karo : Gendang Ginting Munthe se - Jabodetabek 09 Mei 2015

Pada hari Sabtu, tanggal 09 Mei 2015 telah diadakan Gendang Mburo Ate Tedeh Perpulungen Ginting Munthe, Anakberu ras Anakberu Minteri se Jabodetabek bertempat di Gedung Cut Nyak Dien Buperta Cibubur Jakarta Timur dimulai dari pukul 15.00 wib hingga tengah malam.

Acara ini secara rutin diadakan setiap tahunnya untuk mempererat tali silaturahmi antara sesama anggota Perpulungen Ginting Munthe ras Anakberuna yang tersebar di Wilayah Jabodetabek.

Walaupun sore itu Jabodetabek diguyur hujan deras dan jalan tol menuju Cibubur cukup padat dan tersendat, namun tidak mengurangi semangat dan antusias anggota untuk etap hadir walaupun agak terlambat, hal itu terlihat tidak kurang sekitar 400an orang yang hadir dalam acara tersebut.

Semoga untuk tahun depan acara dapat lebih meriah dan Anggota Perpulungen Ginting Munthe ras Anakberuna se - Jabodatabek semakin jaya dan semakin sukses dalam tugas dan kehidupannya masing-masing atas berkat Tuhan yang Maha Kuasa.

Jakarta, Mei 2015
Salam mejuah-juah,

Franta Ginting Munthe