Keleng ateNdu Tuhan, pemerenNdu Yesusku
Enggo kap kualoken ibas kegeluhenku
Enggo iasamkenNdu, dagingNdu ras KesahNdu
Guna nebusi aku, maka aku terkelin
Kusembah ras kupuji, gelarNdu si Badia
Kam o Yesus Tuhanku, si ngalemi dosangku
Dame ibas pusuhku, dame ibas geluhku
Perban lias ateNdu, la ersibar man bangku
Kam o Yesus Rajangku, lau kegeluhenku
Singembari langkahku ku bas dalan siterang.
Tangerang, 30 April 2005
Franta Ginting
Ate ngena bas donin enda, mbue kal tuhu erbagena
Baci sipilih-pilih, gelah tersehi sura-sura
Tapi ibas erkiniteken, ula mbue ateta ngena
Sada ngenca baci sipilih, Yesus ngenca simehulina
O..Mamre, Moria, Permata ras Ka-Kr
Marilah, sisembah, sipuji Yesus Tuhanta
Tuhan Yesus lah min si ban man penggurunta
Ibas kerina dampar kegeluhenta
Ku IA saja ngenca pengendesenta
Gelahna dame rusur ibas pusuhta
O..Mamre, Mamre, Permata rae Ka-Kr
Marilah, sisembah, sipuji Yesus Tuhanta
Karawaci, 14/01/2010
Franta Ginting
O YAHWE, o Tuhanku, kukataken bujur ba~Ndu
Ibas k'rina pemereNdu, ibas kegeluhenku~u~u
Labo perban beluhku, labo perban gegehku ~Tuhan...
Tapi ban lias ateNdu, usekenNdu man bangku ~Tuhan...
YAHWE Kam Dibatangku, ku sembah Kam kupuji
Inganku ngadu-ngadu suari ras berngi
Kuja pe perlawesku, uga pe kecibalku...
Tetap lias ateNdu TUHAN nemani aku
Tangerang, 7 April 2015
Franta Ginting
La ersibar keleng ateNdu, nandangi manusia
Yesus Kam Penebusku, Yesus Kam Penampatku
Kam me ulu kegeluhenku, Kam me ulu kegeluhenku
KesahNdu pe iasamkenNdu, i das kayu persilang
Guna nebusi aku, ibas dosangku nari
Kam o Yesus Jurus'lamatku, Kam o Yesus Jurus'slamatku
Kubegi soraNdu erlebuh man bangku
Kupuji ras kesembah gelarNdu o Yesus
Nggo isikapkenNdu ingan dame bangku
Jerusalem Simbaru, Surga Rumah Bapa
Kep-keplah aku seh ku wari Maranatha
Tegulah aku seh ku Surga Rumah Bapa
Tangerang, 09 April 2015
Franta Ginting
Haleluya, terpuji gelar TUHAN
Haleluya, terpuji gelarNdu Yesus
Wari enda warina si badia
Enggo nusur Yesus Penebusta
Mari sembah sipujilah gelarNa
Sebab IA penebus dosanta
Mari surak endeken Haleluya
Alo-alo Raja si Mulia
Perban keleng ateNa kita k'rina
IsehkenNa padanNa man banta
Haleluya, terpuji gelar TUHAN
Haleluya, terpuji gelarNdu Yesus
Begiken KataNa, dalanken pedahNa
Ula kita lupa ertoto ngendes man baNa
Maka sehkenNa si sentudu ras peratenNa
Haleluya, terpuji gelar TUHAN
Haleluya, terpuji gelarNdu Yesus
~~~~~~~~~~~~~~~~~~~~~~
Jakarta, 25 Nopember 2015
( Franta Ginting )
Tuhan, bage ningku erlebuh
Bas tengah berngi ibas pendungi tahun
Ije ku baba perbebenku
Ngendes man banNdu ngenca pengarapenku
Babanku si mberat ibas geluhku o Tuhan
Jadi menahang adi iadepenNdu
Ngarap kal aku ialokenNdu
Makana malem kal jine ibas pusuhku
Ukur mberat pusuh si getem Tuhan
Jine ngerim-rim aku
Lanai 'ku ngasup, la lit gegehku Tuhan
Adi la Kam nampati
Emaka reh aku man banNdu
Mbaba kerina perbebenku
Amin gia labo metunggung
Aku iadep-adepenNdu
Lang adi gegehku kupenalem, adi pemetehku kupedalan
Lanai bo mbera, lanai bo mbera, aku jumpa ras Kam
Perkuah ateNdu si kupindo, mere perukuren si meciho
Gelahna malem, malem ateku, iteruh perkuahNdu
(Franta Ginting 281107)
Perban belinna keleng ateNdu man manusia
IberekenNdu AnakNdu Sitonggal nusur ku doni
Lah ola bene si tek man baNdu, dat kegeluhen si rasa lalap
Bagem belinna keleng ateNdu, nandangi aku kalak perdosa
ItebusiNdu, isasapkenNdu dosa-dosangku
TeguNdu aku, isampatiNdu bas la ngasupku
IapuliNdu pusuh si getem tupung aku bas keguluten
Bagem belinna keleng ateNdu, nandangi aku kalak perdosa
Bujur o Yahwe ibas lias ateNdu..
Bujur o Yesus 'bas kerehenNdu...
Bujur o Kesah ibas penemaniNdu...
Man baNdu kuendesken kegeluhenku
( Franta Ginting ) 15/11/15
